Sawal No : 88

Bab : NIKAH

Fasl : SOHBAT KARNE KE AADAB

Topic : Blow Job Karne Se Nikah Ka Hukm

Sawal : Blow Job Karna Kesa Hai ? Kya Us Se Nikkah Tut Jata Hai ?

Jawab : Blow Job ( Mukh - Methun ) Se Nikah Nahi Tut-ta, Lekin Sakht Makrooh, Na Pasandeeda Aur Gunah Ka Kaam Hai, Is Se Bachna Chahiye.

▪️ Sharee'at Mai To Yaha Tak Kaha Gaya Hai, Ke Biwi Se Qareeb Hote Waqt Ghadhe Ki Tarah Bilkul Nange Na Ho Jao, Balke Chadar Wagaira Orh Li Jaye.

▪️ek Dusre Ke Satar Par Nazar Na Daali Jaye, Ke Ye Na Munasib Bhi Hai, Aur Is Se Sihhat Par Bhi Asar Padta Hai.

▪️ Aur Blowjob Mai Bohot Si Kharabiya Bhi Hai, Jaise
▪️jis Zuban Se Allah Ka Zikr Kiya Jata Hai, Qur'an Ki Tilawat Ki Jati Hai, Durud Shareef Padha Jata Hai, Us Zuban Ko Aisi Napaki Ki Jagah Mai Istemal Karna Bilkul Hi Na Munasib Hai.
▪️blow Job Ke Waqt Bohot Mumkin Hai, Ke Napaki Ke Kuch Zarre Hamare Andar Chale Jaye, Aur Hame Pata Bhi Na Chale, Aur Hamara Jism Napaki Se Nasho Numa Paye, Ye Bilkul Na Jai'z Aur Haram Hai.
▪️janwaro Ka Tareeqa Hai, Aur Bilkul Be Hayai Wala Kaam Hai.
is Liye Is Se Chahe Nikah Nahi Toot-ta, Lekin Is Amal Se Bohot Zyada Bachna Chahiye.

▪️fatawa Raheemiyya Mai Hazrat Sayyad Mufti Abdur Raheem Sahab Lajpuri R.h. Farmate Hain, " Bay Shak Sharamgah Ka Zahiri Hissa Pak Hai, Lekin Yeh Zaroori Nahi, Ke Har Paak Cheez Ko Munh Lagaya Jaye, Aur Munh Mein Liya Jaye, Aur Chaata Jaye, Naak Ki Ratubat Pak Hai, To Kiya Naak Ke Androoni Hissay Ko Zuban Lagana, Is Ki Ratubat Ko Munh Mein Laina Pasandeedah Cheez Ho Sakti Hai ? Kiya Us Ke Chumne Ki Ijazat Hogi ? Nahi ! Hargiz Nahi ! Isi Tarah Aurat Ki Sharamgah Ko Chumne Aur Zuban Laganay Ki Ijazat Nahi, Sakht Makrooh Aur Gunah Hai. Gaur Kijiye ! Jis Munh Se Pak Kalma Parha Jata Hai, Quran Majeed Ki Tilawat Ki Jati Hai, Durud Shareef Parha Jata Hai, Is Ko Aise Khasees ( Ghatiya ) Kaam Mai Istemaal Karne Ko Dil Kaisay Gawara Kar Sakta Hai ? (fatawa Rahimiyya, 10 / 178)    Fakt - Allah ta'ala sabse zyada janne wale hai.