Sawal No : 353

Bab : MASJID / MADRASA / QABRASTAN

Fasl : MASJID / MADRASA / QABRASTAN KE BARE ME

Topic : Masjid-madrasay Ka Mutawalli Kesa Ho

Sawal : Ek Bhai Jo Sood Ka Leen-deen Karta Ho, Namazon Ka Bilkul Paband Na Ho, Hatta Ke Juma Ki Namaz Mein Bhi Kotahi Karta Ho, Siwaye Ramzan Ke, Chehra Aur Huliya Bhi Shariat Ke Khilaf Ho — To Kya Aisa Shakhs Kisi Masjid Ya Madrasay Ka Mutawalli Ya Trustee Ban Sakta Hai?

Jawab : Mutawalli, Aalim Ba-amal Hona Chahiye, Agar Aisa Mayassar Na Ho Sake To

▪️ Soum-o-salat (roza-namaz)ka Paband,
▪️ Amanat Daar,
▪️ Masaa'il-e-waqf Ka Jaanne Waala,
▪️ Khush-akhlaaq,
▪️ Rahm-dil,
▪️ Munsif-mizaaj
▪️ Ilm-dost,
▪️ Ahl-e-ilm Ki Ta'zeem-o-takreem Karne Waala Ho.

▪️ Jis Mein Yeh Sifat Zyaada Ho, Usi Ko Mutawalli Banaana Chahiye (fatawa Rahimiya 126/2) (makhooz Az Mahmood Al-fatawa 7/127)

▪️ Sawaal Mein Aap Ne Shakhs-e-mazkoor Ke Jo Awsaaf Likhe Hain, Un Awsaaf Ki Wajah Se Aise Shakhs Ko Hargiz Masjid/madrasay Ka Mutawalli (trustee) Nahi Banaana Chahiye.    Fakt - Allah ta'ala sabse zyada janne wale hai.