Sawal No : 303

Main Bab

Fasl : HADYA / GIFT

Topic : Shohar Ka Apni Hayati Me Biwi Ko Property Gift Karna

Sawal : Agar Shohar Ne Khud Ki Hayati Me Biwi Ke Naam Par Property Kar Di Ho, To Shohar Ki Wafat Ke Baad Us Property Me Baccho Ka Hissa Hoga ?

Jawab : Shohar Apni Hayati Me Apni Wife Ko Property De Raha Hai, Aur Property Wife Ke Naam Kar Di Hai, Is Process Ko Shariyat Ki Zuban Me Bakhshish/hadya/gift Kaha Jata Hai.

▪️ Aur Hadya Usi Vakt Mukammal Hota Hai, Ke Jab Property Naam Par Karne Ke Sath Sath Kabza Bhi De Diya Jaye, Jab Tak Kabza Nahi Diya Jayega, Tab Tak Vo Property Shohar Hi Ki Samjhi Jayegi, Chahe On Paper Wife Ke Naam Par Ho, Aur Jab Kabza De Diya Jaye, To Property Wife Ki Ho Jayegi, Aur Shohar Ki Wafat Ke Baad Us Me Wife Ke Siwa Kisi Aur Ka Hissa Nahi Hoga.

▪️ Note 1 : Agar Shohar Aur Biwi Aek Hi Ghar Me Rehte Ho, To Kabza Dene Ka Tariqa Ye Hai, Ke Shohar Kuch Der Ke Liye Ghar Se Alag Ho Jaye, Aur Biwi Se Kahe, Ke Ab Se Ye Ghar Aur Jo Kuch Is Me Hai, Vo Sab Ap Ka Hai, Ya Ap Ke Kabze Me Hai, For Shohar Biwi Ki Permission Se Us Ghar Me Reh Sakta Hai, Yad Rahe Ke Ghar Ki Jo Cheeze Shohar Hadya Dena Nahi Chahta Hai, Us Ko Pehle Ghar Se Nikaal Le.

▪️ Note 2 : Aur Hadya Dene Ki Process Formality Ke Liye Na Ho, Balke Really Honi Chahiye, Hadya Dene Ka Matlab Ye Hota Hai, Ke Ab Wife Us Ghar Ki Malik Ho Gayi, Agar Vo Us Ko Bechna Chahe, Ya Kiraye Par Dena Chahe, Ya Kisi Aur Ko Hadye Ke Tor Par Dena Chahe, Vo Sab Kuch Kar Sakti Hai, Agar Vo Shohar Hi Ko Us Ghar Me Aane Se Rok De, Tab Bhi Us Ko Ye Haq Hasil Hoga, Kyo Ke Ab Vo Is Ghar Ki Malik Hai.    Fakt - Allah ta'ala sabse zyada janne wale hai.