Sawal No : 158

Bab : ROZAH

Fasl : AETIQAF

Topic : Aetiqaf Sunnat Alal Kifaya Hai.

Sawal : Aetiqaf Karna Sunnat Hai, To Kiya Sab Ko Karna Chahiye, Ya Kuch Ke Karne Se Bhi Sunnat Ada Ho Jayegi?

Jawab : Ramadhan Ke Akheeri Dus Din Ka Aetiqaf Sunnat Alal Kifaya Hai, Matlab Puri Basti Mai Se Agar Ek Shaksh Bhi Aetiqaf Kar Leta Hai, To Sunnat Ada Ho Jayegi, Aur Agar Puri Basti Mai Se Koi Bhi Aetiqaf Nahi Karta, To Puri Basti Wale Gunehgar Honge.
▪️ Behtar Aur Afzal Yahi Hai, Ke Har Masjid Mai Aetiqaf Kiya Jaye, Is Sunnat Se Bohot Gaflat Barti Jati Hai. (fatawa Mahmudiya: 15/276)
haala Ke Ye Aap Sallallahu Alaihi Wasallam Ki Daa'imi (hamesha Ki) Sunnat Hai, Reh Jane Par Us Ki Aap Sallallahu Alaihi Wasallam Ne Pure Dus Din Ke Aetiqaf Ki Qaza Tak Farmai Hai.    Fakt - Allah ta'ala sabse zyada janne wale hai.